Manva keshav keshav bol, hardyna bhave bhave re
મનવા કેશવ કેશવ બોલ , હૃદયના ભાવે ભાવે રે ...
એ તો બોલ ઘણો અણમોલ, કોઈ એની તોલે ના આવે રે,
લીલા કેશવ ની બહુ ન્યારી , એને જાણવી મનથી ભારી,
એને જાણિ શકે ના સંસારી, હૃદયના ભાવે ભાવે રે ...
ભાવે સ્નેહ વળગી રહીએ , કેશવ રાહે ડગલા ભરીએ,
ડગલે ડગલે નિર્મળ થઈએ, હૃદયના ભાવે ભાવે રે ...
કેશવ સાર ગીતાનો કહાવે, ભક્તિ જ્ઞાન કર્મ સમજાવે,
બંધન માયાના છોડાવે , હૃદયના ભાવે ભાવે રે …
ભાવે કરુણા કેસવ કરશે , ત્રિવિધા તાપો તનના હરશે,
હેતે મન મિત આવી મળશે, હૃદયના ભાવે ભાવે રે ...
કેશવ ઘાટ અઘાટે વસિયા, પ્રેમે પ્રગટ બોલે રસિયા ,
વ્હાલો પ્રાણ અમારે વસિયા, હૃદયના ભાવે ભાવે રે...
 |
| Gujarati Santvani Lyrics Android App Download |
 |
No comments:
Post a Comment