Jagma mota mota chor ji જગમાં મોટા મોટા ચોર જી

Jagma mota mota chor ji

જગમાં મોટા મોટા ચોર જી

                          ઈતો ચોરી કરે ચારેકોર

બ્રહ્માજીએ વાછરૂ ચોરયા

                        એને જબરૂ કિધું જોર

         રાવણ ચોરે સિતાજી ને

                           ઈતો હરખે હરામખોર

સઘર રાયનો અશ્વ ચોરયો

                          તેદી ઈન્દ્રે કરી અંધ ધોળા

           ટીટોડી ના ઈંડા ચોર્યા

                            તેદી સાગર કરતો સોર

સુર્ય દેવતા આખાં જગને ચોરે

                         એનો દેખું નઈ ક્યાંય દોર

            વાલમિક જેવા ચોરી કરતા

                           સાંજ સવાર ને બપોર

જેસલ જગનો ચોરટો

                     એને કોણ કહે કમજોર

             કારીગર ને ચોર કેતા

                      ઓલ્યા વેપારી ચોર ના ચોર

તન ચોરે કોઈ મન ને ચોરે

                         કોઈ ચોરે કલેજા ની કોર

            પુરષોત્તમ કહે નાથ મારો

                        ઓલ્યો મોહન માખણ ચોર

Gujarati Santvani Lyrics Android App Download

Pratham samru sadguru tame cho par upkari he ji પ્રથમ સમરું સદગુરૂ દેવા તમે છો પર ઉપકારી રે હે જી

Pratham samru sadguru tame cho par upkari he ji 

પ્રથમ સમરું સદગુરૂ દેવા તમે છો પર ઉપકારી રે હે જી

અખંડ અવિચળ ધામ ના વાસી ,

નામ તણી બલિહારી, મારા સદગુરૂ ભરોસો છે મને ભારી હે જી

અધમ ઓધારણ નામ તમારું અખંડ આનંદકારી રે હે જી

નોંધારાના આધાર ગુરૂ મારા,

ભાવટ ભાગો અમારી, મારા સદગુરૂ ભરોસો છે મને ભારી હે જી

પૂર્વ જનમની પ્રીત બંધાણી શરણે આવ્યો છું તમારી હે જી

જેવો તેવો પણ દાસ તમારો

હવે ના મુકો વિસારી, મારા સદગુરૂ ભરોસો છે મને ભારી હે જી

ભવસાગરમાં ભય ઘણેરો મોટા મોટા ગયા હારી રે હે જી

બાનાની પત રાખો ગુરૂજી મારા,

લાજ ના જાય અમારી, મારા સદગુરૂ ભરોસો છે મને ભારી હે જી

ચૌદલોક સુધી આવાગમન છે નથી ઉગરવાની બારી રે હે જી

બ્રહ્મા વિષ્ણુ શંકર જેવાને,

હરાવી બેઠી એક નારી રે, મારા સદગુરૂ ભરોસો છે મને ભારી હે જી

ગુરૂ ખુશાલદાસ દયા કરીને બાળકને લેજો ઉગારી હે જી

દો કર જોડી દાસ કેશવ વિનવે,

ભવસાગરથી લ્યો તારી, મારા સદગુરૂ ભરોસો છે મને ભારી હે જી

Gujarati Santvani Lyrics Android App Download

vandan karia guruji tamne shish namavine વંદન કરીએ ગુરુજી તમને શીષ નમાવીને,

vandan karia guruji tamne shish namavine

વંદન કરીએ ગુરુજી તમને શીષ નમાવીને,

તમને શીષ નમાવી ગુરુજી, તમને શીષ નમાવી ને.. વંદન કરીએ..

આપે પધારી, મારા શોભાવ્યા સહુ ભાવિને ગુરુજી -(૨)

શોભાવ્યા સહુ ભાવિને.. વંદન કરીએ..

સેવક જનને સુખ કરો છો, મનના સઘળા મેલ હરો છો,

જ્ઞાન હૃદયમાં આપ વસો છો, શાંતિ આપો છો,

સૌ ના તાપ સમાવી ને.. વંદન કરીએ..

પુણ્ય અમારા કામ ના લાગ્યા, આપે આવી સંકટ કાપ્યા,

અમે મોહ નિદ્રા થી જાગ્યા, શોભાવો સદગુરુ અમને,

ભક્તિ સાઝ સજાવી ને  ગુરુજી, ભક્તિ સાઝ સજાવીને.. વંદન કરીએ..

હું છું પાપી પામર પ્રાણી, લોભી ને વળી ક્રોધી રે,

ગુરુજી તમે ના થશો વિરોધી, સેવકને ચરણોમાં ગુરૂજી,

લેજો વારી વારીને.. વંદન કરીએ..

સદગુરુ સ્વામી અંતર્યામી, ગરૂડા ગામી છો બહુ નામી,

ગુરુજી તમને કહું શીષ નમાવી,

વારે વારે ગુરુજી દર્શન દેજો આવીને,

દર્શન દેજો આવી ગુરૂજી દર્શન દેજો આવીને.. વંદન કરીએ..

Gujarati Santvani Lyrics Android App Download

Guruji daya kari ne vahla avjo ગુરુજી દયા કરી ને વહેલા આવજો,

Guruji daya kari ne vahla avjo

ગુરુજી દયા કરી ને વહેલા આવજો,

દર્શન દેજો દીનદયાળ.. ગુરુજી વહેલા આવજો..

ગુરૂજી તમો વિના નથી ગોઠતું,

શુના મંદિર ખાવા ધાય.. ગુરુજી વહેલા આવજો..

ગુરુજી ગીતા નું જ્ઞાન સુણાવતા,

પાતા અમૃત કેરા પાન.. ગુરુજી વહેલા આવજો..

ગુરુજી તમો વિના મારુ કોઈ નથી,

તમે માતા ને તમે છો પિતા.. ગુરુજી વહેલા આવજો..

ગુરુજી મને પોતાનો તમે જણીયો,

હવે કેમ તરછોડો આ બાળ.. ગુરુજી વહેલા આવજો..

ગુરુજી કામ-ક્રોધ શત્રુ કારમાં,

લોભ લાલચે ગયો લોભાઈ.. ગુરુજી વહેલા આવજો..

ગુરુજી મૃગજળ

પીવાને દોડતો,

હારી થાકીને આવ્યો છું આજ.. ગુરુજી વહેલા આવજો..

ગુરુજી વૃક્ષ વીંટાઈ જેમ વેલડી,

એવા ગુરુજી અમારા મન.. ગુરુજી વહેલા આવજો..

ગુરુજી ભર દરિયે મારી નાવડી,

તેને ઉતારો ભવસાગર પાર.. ગુરુજી વહેલા આવજો..

ગુરુજી દાસ શંકરની વિનંતી,

અમને રાખો સદાય ચરણોમાં.. ગુરુજી વહેલા આવજો..

Gujarati Santvani Lyrics Android App Download

Aje anand mare aje aanand આજે આનંદ મારે આજે આનંદ,

Aje anand mare aje aanand

આજે આનંદ મારે આજે આનંદ,

સદગુરુ પધાર્યા મારે આજે આનંદ..

સંતોની શાનમાં, ભક્તિ રસપાન મા,

રહેવું ગુલતાન માં, ગળી જવું જ્ઞાન માં,

મૂકી દે મનના ખોટા રે  ફંદ..

સદગુરુ પધાર્યા મારે આજે આનંદ

સંતોના સંગમાં,રહેવું ઉમંગમાં,

પૂરેપૂરા રંગમાં, ભક્તિના રંગ માં,

છોડી દે જગતના જુઠા રે ફંદ..

સદગુરુ પધાર્યા મારે આજે આનંદ

ભક્તિ છે ભાવની, અંતે છે કામની,

નથી ખોટા દાવની, છે અમરધામની

આઠેય પહોર મારે આનંદ આનંદ..

સદગુરુ પધાર્યા મારે આજે આનંદ

વાતો નથી  નાસની, નથી કોઈ  ત્રાસ ની

ગુરુ ખુશાલ દાસની, આશા કેશવ દાસની

પૂર્ણ કરી પામીએ પામીએ પૂર્ણ આનંદ

Gujarati Santvani Lyrics Android App Download

Saddaguru malya sant sujana સદ્દગુરૂ મળ્યા સંત સુજાણ

Saddaguru malya sant sujana

સદ્દગુરૂ મળ્યા સંત સુજાણ

મારી ટળી ગઇ છે તાણા તાણ ... સદગુરૂ

અનેક યોનિ આથડ્યો અનેક જન્મથી અજાણ રે

જૂઠી વસ્તુને સાચી માની તેની કરાવી જાણ . . . સદગુરૂ

મળ વિક્ષેપને આવરણ થકી બન્યો હું અજ્ઞાન રે

વિવેક, વૈરાગ્ય, ષટ સંપત્તિ થકી સારી કરાવી જાણ . . . સદ્દગુરૂ

બ્રહ્મ સત્ય જગત મિથ્યા એમ વેદ વદે છે પુરાણ

સાચા સદગુરૂ ભેટ્યા વિના કોણ કરાવે ઓળખાણ . . . . સદ્દગુરૂ

સદ્દગુરૂ ખુશાલદાસ મળિયા માર્યા છે શબ્દનાં બાણ

દાસ કેશવ પર દયા કરીને સાચી આપી છે શાન . . . . સદ્દગુરૂ

Gujarati Santvani Lyrics Android App Download

Harino marag che surano, nahi kayarnu kam jone હરિનો મારગ છે શૂરાનો, નહિ કાયરનું કામ જોને.

Harino marag che surano, nahi kayarnu kam jone

હરિનો મારગ છે શૂરાનો, નહિ કાયરનું કામ જોને.

પરથમ પહેલું મસ્તક મૂકી, વળતી લેવું નામ જોને.

સુત વિરા દારા શીશ સમરપે, તે પામે રસ પીવા જોને.

સિંધુ મધ્યે મોતી લેવા, માંહી પડયા મરજીવા જોને.

મરણ આગમે તે ભરે મૂઠી, દિલની દુગ્ધા વામે જોને.

તીરે ઊભે જુએ તમાસો, તે કોડી નવ પામે જેને.

પ્રેમ પંથ પાવકની જવાળા, ભાળી પાછા ભાગે જેને.

માંહી પડયા તે મહાસુખ માણે, દેખનહારા દાઝે જોને.

માથા સાટે મોંઘી વસ્તુ, સાંપડવી નહિ સહેલ જોને.

મહા પદ પામ્યા તે મરજીવા, મૂકી મનનો મેલ જોને.

રામઅમલમાં રાતામાતા, પૂરા પ્રેમી જન જેને,

પ્રીતમના સ્વામીની લીલા, તે રજની દિન નીરખે જોને.

Gujarati Santvani Lyrics Android App Download

Mare paate padharo re alamma raja મારે પાટે પધારો રે આલંમ રાજા

Mare paate padharo re alamma raja 

મારે પાટે પધારો રે આલંમ રાજા

મોલે પધરૉ રે આલંમ રાજા

હે લખુ મારા સાયબા લાવૉ કાગળ લાવૉ પેન લખુ મારા સાયબા

તમે ગુણિયલ હોય તો રે કાગળ વાચજો રે

આલંમ રાજા

ધર્યો મારા સાયબા જોગણ વાળો વેશ ધર્યો

જોગણ વાળો વેશ ધર્યો મારા સાયબા

હૈ ધર્યો મારા સાયબા

માલણ વાળો વેશ ધર્યો મારા સાયબા

હૈ થયા મારા સાયબા લીલા ઘોડે અસવાર થયા (ર)

મારા સાયબા 

હૈ બોલ્યા મારા સાયબા બોલ્યા રુપાસતી નાર બોલ્યા મારા સાયબા

એવા ભવ ભવના મેણા રે મારા ભાગંજો રે

આલંમ રાજા

Gujarati Santvani Lyrics Android App Download

Bhajan ek ram nam nu kariye re ભજન એક રામ નામનું કરીયે રે,

Bhajan ek ram nam nu kariye re

ભજન એક રામ નામનું કરીયે રે,

ભાવેથી ભવસાગર તરીયે રે, ભજન એક…

ભજન છે ભક્તિ કેરુ અંગ (૨)

નવ છોડીયે સાધુ સંતોનો સંગ, ભજન એક…

કે હરિનામ રટતા હરદમ રહીયે (૨)

સદગુરુજી ના સમરણ નીત નીત કરીયે, ભજન એક…

સંસાર ના સુખ સગળા છે વિનાસી (૨)

દુઃખ દર્દ થી છોડાવે અવિનાસી, ભજન એક…

માયાના બંધન થી રે છોડાવે (૨)

કર્મ ના બંધન થી રે છોડાવે

તાપ સુનતાપ પાપ ને ભગાવે, ભજન એક…

ભાવેથી પંડિત હરીગુણ ગાવે (૨)

ગુરૂ રાયમલ ચરણે શીશ નમાવે, ભજન એક…

Gujarati Santvani Lyrics Android App Download

satsang viman avyu santona manma bhavyu સતસંગ વિમાન આવ્યું સંતોના મનમાં ભાવ્યું

Satsang viman avyu santona manma bhavyu

સતસંગ વિમાન આવ્યું સંતોના મનમાં ભાવ્યું

મારા હરિજન આવોને વિમાન બેસવા

તમે ઝટ તૈયાર થઈ આવો

કોઈના રોકયાના રોકાવો....મારા હરિજન....

તમે આવો વહેલા વહેલા

જઈ બેસો સૌના પહેલા....મારા હરિજન....

આવ્યું સૌને લેવા

ના રહેશો કોઈને કહેવા....મારા હરિજન....

આવો નરનારી

વિમાનની બલિહારી....મારા હરિજન...

સતસંગ સૌને તારે

ના કોઈને પાછા વારે....મારા હરિજન....

પુણ્યવાળા પહેલાચડશે

પાપીઓ પાછા પડશે મારા હરિજન...

એ જાય સૂર સપાટે

કાયરની છાતી ફાટે....મારા હરિજન....

એ જાય એ જાય કેવું

જેમ શીતળ ચંદ્ર જેવું....મારા હરિજન....

ફરતું લાડેકોડે

જમરાજા હાથ જોડે....મારા હરિજન....

પેટમાં પાણીના હાલે

જઈ અમરાપુરમાં મ્હાલે....મારા હરિજન....

ગુરુ કબીર સમજાવે

માણેકદાસને મન ભાવે....મારા હરિજન.

Gujarati Santvani Lyrics Android App Download

Eva sadbhagi kya hoy re એવા સદભાગી કયાં હોય રે,

Eva sadbhagi kya hoy re

એવા સદભાગી કયાં હોય રે,

સંત સમાગમ જેને સાંપડે

જેના દર્શનથી દુઃખ જાય રે,

સંત સમાગમ જેને સાંપડે

અમૃત ઝરતી વાણી ઉચરે,

સતસંગ કરતાં અંતર ઠારે

એમની આંખોમાં પ્રેમ છલકાય રે, સંત સમાગમ…

કામના ને અહંકારને ત્યાગે,

આશા મમતા આવે નહિ અંગે,

એ તો જ્ઞાનગંગામાં નિત્ય ન્હાય રે. સંત સમાગમ…

ચંચળ મનને વારે વારે રોકે,

નિંદા પ્રસંગે કાને ના ધરે,

ને એ તો કડવાં વચન ખમી ખાય રે, સંત સમાગમ…

ને માલ-ખજાનાની પરવા ના રાખે,

પ્રાણ સારે પણ અસત્ય ન બોલે

એ તો દુઃખિયાના દુખડે દૂભાય રે, સંત સમાગમ…

પૂરણ વિચારી પગલાં માંડે,

વિકટ વેળા એ ટેક ના તોડે,

એને ‘‘પૂંજલ'' નમીને લાગે પાય રે, સંત સમાગમ…

Gujarati Santvani Lyrics Android App Download

Aadi re Aanadi guru mara anubhavi આદિ રે અનાદિ ગુરુ મારા અનુભવી

Aadi re Aanadi guru mara anubhavi

આદિ રે અનાદિ ગુરુ મારા અનુભવી

આજે મારા આંગણિયે આવ્યા

પારખ હોય તો પારખો

વાતો અનાદિની લાવ્યા.... આદિ રે અનાદિ....

ડંકો દીધો રે ઉન દેશમાં

મન મેવાસીને માર્યો

બહાર ભીતર એક ભાવ જો

એ છે દેવાધિ દેવા.... આદિ રે અનાદિ....

ઉતર દિશાથી ગુરુ મારા આવીયા

અમરાપુરના રહેવાશી

જગતની સામે જોતા નથી

એતો નિર્ગુણ નિવાસી.... આદિ રે અનાદિ....

ભાઈ બાના પહેરીને ઘણાં ફરે

એમાં અનુભવી થોડા

સમજ્યા નહિ ગુરુની શાનમાં

જેવા પ્રજાપતિના ઘોડા.... આદિ રે અનાદિ....

રે ભાઈ ગગન મંડળ કેરા ગોખમાં

નિર્ભય નોબતો વાગે

ભાથી રમે રંગ મહોલમાં

ધૂનતો ગગનમાં ગાજે.... આદિ રે અનાદિ....

Gujarati Santvani Lyrics Android App Download

Bhulyo re man bhamra tu kya bhamyo ભૂલ્યો રે મન ભમરા તું કયાં ભમ્યો,

Bhulyo re man bhamra tu kya bhamyo

ભૂલ્યો રે મન ભમરા તું કયાં ભમ્યો,

ભમ્યો દિવસને રાત

માયાનો બાંધેલો આ પ્રાણીયો

સમજ્યો નહિ શુભ વાત… ભૂલ્યો રે મન ભમરા…

કુંભ રે કાચો કાયા ઝાંઝરી,

જોય ને કરો જતન,

અને રાખો રૂડુ રટણ… ભૂલ્યો રે મન ભમરા…

કોનાં છોરું ને કોનાં વાછરું

કોનાં માને રે બાપ

અંતકાળે જાવું જીવને એકલા

સાથે પૂણ્ય ને પાપ… ભૂલ્યો રે મન ભમરા…

જે ઘેર નોબત વાગતી,

રૂડા છત્રીસ રાગ

ખંડેર થઇને ખાલી પડયા,

કાળા ઉડે છે કાગ… ભૂલ્યો રે મન ભમરા…

જીવની આશા ડુંગર જેવડી,

મરણ પગલાંની હેઠ

મોટા મોટા મરી ચાલિયા,

લાખો લખપતિ શેઠ… ભૂલ્યો રે મન ભમરા…

ઊલટી નદી રે પૂર ઊલટા,

જાવું સામી રે પાળ

આગળ નીર નહિ મળે,

જે જોઇએ તે લેજો સાથ… ભૂલ્યો રે મન ભમરા…

સકર્મે સતવસ્તુ વહોરજો,

ઇશ્વર સમરણ સાથ

કબીર જુહારીને નીકળ્યા,

લેખાં સાહેબને હાથ… ભૂલ્યો રે મન ભમરા…

Gujarati Santvani Lyrics Android App Download

Avo to ramras pijia આવો તો રામરસ પીજીએ

Avo to ramras pijia

આવો તો રામરસ પીજીએ

હો ભાગ્યશાળી, આવો તો રામરસ પીજીએ.

તજી દુઃસંગ સત્સંગમાં બેસી,

હરિગુણ ગાઈ લહાવો લીજીએ ... હો ભાગ્યશાળી.

મમતાને મોહજંજાળ જગ કેરી,

ચિત્ત થકી દૂર કરી દીજીએ ... હો ભાગ્યશાળી.

દેવોને દુર્લભ દેહ મળ્યો આ,

તેને સફળ આજ કીજીએ ... હો ભાગ્યશાળી.

રામનામ રીઝીએ, આનંદ લીજીએ,

દુર્જનિયાંથી ન બ્હીજીએ ... હો ભાગ્યશાળી.

મીરાં કહે પ્રભુ ગિરિધરના ગુણ,

હેતે હરિરંગ ભીંજીએ ... હો ભાગ્યશાળી.

Gujarati Santvani Lyrics Android App Download

Akhand var ne vari saaheli અખંડ વરને વરી સાહેલી,

Akhand var ne vari saaheli

અખંડ વરને વરી સાહેલી,

હું તો અખંડ વરને વરી.

ભવસાગરમાં મહાદુઃખ પામી,

લખ ચોરાસી ફરી ... સાહેલી હું.

સંસાર સર્વે ભયંકર કાળો,

તે દેખી થરથરી.

કુટુંબ સહોદર સ્વાર્થી સર્વે,

પ્રપંચને પરહરી ... સાહેલી હું.

જનમ ધરીને સંતાપ વેઠ્યા,

ઘરનો તે ધંધો કરી,

સંતજગતમાં મહાસુખ પામી,

બેઠી ઠેકાણે ઠરી ... સાહેલી હું.

સદ્દગુરુની પૂરણ કૃપાથી,

ભવસાગર હું તરી,

બાઈ મીરાં કહે પ્રભુ ગિરિધર નાગર,

સંતોના ચરણે પડી ... સાહેલી હું

Gujarati Santvani Lyrics Android App Download

Santkrupa thi chute maya, kaaya nirmal thy jone સંતકૃપા થી છૂટે માયા, કાયા નિર્મળ થાય જોને…

Santkrupa thi chute maya, kaaya nirmal thy jone

સંતકૃપા થી છૂટે માયા, કાયા નિર્મળ થાય જોને…

શ્વાસ ઉચ્છવાસે સમરણ કરતાં, પાંચે પાતક જાય જોને…

કેસરી કેરા નાદે નાશ, કોટી કુંજર જુથ જોને…

હીમંત હોય તો પોતે પામે, સઘળી વાતે સુખ જોને…

અગ્નિને ઉઘઇ ના લાગે, મહમણિને મેલ જોને…

અપાર સિંધુ મહાજળ ઊંડા, મર્મિ ને મન સહેલ જોને…

બાજીગર ની બાજી એતો, જંબુરો સૌ જાણે જોને…

હરિની માયા મહાબળવંતી, સંત નજરમાં નાણે જોને…

સંત સેવતાં સુકીત વાધે, સહેજે સિધે કાજ જોને…

‘પ્રીતમ' ના સ્વામીને ભજતાં, અખંડ આવે રાજ જોને..

Gujarati Santvani Lyrics Android App Download

Aaj mari mijmani che raj આજ મારી મિજમાની છે રાજ,

Aaj mari mijmani che raj

આજ મારી મિજમાની છે રાજ,

મારે ઘેર આવના મહારાજ.

ઊંચા સે બાજોઠ ઢળાવું,

અપને હાથ સે ગ્રાસ ભરાવું,

ઠંડા જળ ઝારી ભરી લાવું,

રુચિ રુચિ પાવના મહારાજ. ... આજ મારે ઘેર.

બુહ મેવા પકવાન મીઠાઈ,

શાક છત્તીસે જુગતે બનાઈ,

ઊભી ઊભી ચામર ઢોળું રાજ,

લાગો સુહામણા મહારાજ. ... આજ મારે ઘેર.

ડોડા એલચી લવિંગ સોપારી,

કાથા ચૂના પાન બિચ ડારી,

અપને હાથસે બીડી બનાઉં,

મુખસે ચાવના મહારાજ. ... આજ મારે ઘેર.

મોર મુકુટ પીતાંબર સોહે,

સુરનરિ મુનિજન કૈ મન મોહે,

મીરાં કે પ્રભુ ગિરધરલાલ,

દિલ બીચ ભરના મહારાજ. ... આજ મારે ઘેર.

Gujarati Santvani Lyrics Android App Download

vijaline chamkare motida parovo re panbai વીજળીને ચમકારે મોતીડાં પરોવો રે પાનબાઇ !

vijaline chamkare motida parovo re panbai 

વીજળીને ચમકારે મોતીડાં પરોવો રે પાનબાઇ !

નહિતર અચાનક અંધારા થાશે જી;

જોત રે જોતાંમાં દિવસો વહી રે ગયા પાનબાઇ !

એકવીસ હજાર છસોને કાળ ખાશે જી … વીજળીને ચમકારે

જાણ્યા રે જેવી આ તો અજાણ છે રે વસ્તુ પાનબાઇ !

અધૂરિયાને નો કે’વાય જી,

ગુપત રસનો આ ખેલ છે અટપટો,

આંટી મેલો તો સમજાય જી … વીજળીને ચમકારે

મન રે મૂકીને તમે આવો રે મેદાનમાં પાનબાઇ !

જાણી લીયો જીવ કેરી જાત જી;

સજાતિ વિજાતિની જુગતિ બતાવું ને,

બીબે પાડી દઉં બીજી ભાત જી … વીજળીને ચમકારે

પિંડ રે બ્રહ્માંડથી પર છે ગુરુ પાનબાઇ !

તેનો રે દેખાડું તમને દેશજી,

ગંગાસતી રે એમ બોલિયાં રે સંતો,

ત્યાં નહિ માયાનો જરીયે લેશ જી … વીજળીને ચમકારે

Gujarati Santvani Lyrics Android App Download

Meru to dage jena man na dage marne bhagi pade Brahmadji મેરુ તો ડગે જેનાં મન ના ડગે મરને ભાંગી પડે બ્રહ્માંડજી;

Meru to dage jena man na dage marne bhagi pade Brahmadji

મેરુ તો ડગે જેનાં મન ના ડગે મરને ભાંગી પડે બ્રહ્માંડજી;

વિપત્તિ પડે તોય વણસે નહીં; સોઈ હરિજનનાં પ્રમાણજી - મેરુ.

ચિત્તની વૃતિ જેની સદાય નિરમળ ને કોઈની કરે નહિ આશજી;

દાન દેવે પણ રહે અજાસી, રાખે વચનમાં વિશ્વાસ રે જી – મેરુ.

હરખ ને શોકની આવે નહી હેડકી, આઠ પહોર રહે આનંદજી,

નિત્ય રે નાચે સત્સંગમાં ને તોડે માયા કેરા ફંદજી – મેરુ.

તન મન ધન જેણે પ્રભુને સમર્પ્યાં, તે નામ નિજારી નર ને નારજી,

એકાંતે બેસીને આરાધના માંડે તો, અલખ પધારે એને દ્વારજી – મેરુ.

સતગુરુ વચનમાં શૂરા થઈ ચાલે, શીશ તો કર્યાં કુરબાન રે,

સંકલ્પ વિકલ્પ એકે નહિ ઉરમાં, જેણે મેલ્યાં અંતરનાં માન રે – મેરુ.

સંગત કરો તો તમે એવાની કરજો, જે ભજનમાં રહે ભરપુરજી,

ગંગાસતી એમ બોલિયાં, જેને નેણ તે વરસે ઝાઝાં નૂરજી – મેરુ.

Gujarati Santvani Lyrics Android App Download

Aasli je sant hoy te chale nahi koi di અસલી જે સંત હોય તે ચળે નહીં કોઈ દિ

Aasli je sant hoy te chale nahi koi di

અસલી જે સંત હોય તે ચળે નહીં કોઈ દિ

કપટ નહીં મન માંહ્ય જી,

ગુરુજીના વચનોને પરિપૂર્ણ સમજે

પ્રજ્ઞી પુરુષ કહેવાય જી.

દેહ રે મૂકે પણ વચન તૂટે નહીં ને

ગુરુજીના વેચાયે વેચાય જી

બ્રહ્માદિક આવી જેના પારખાં રે લેવે તોયે

આ મરજીવા જીવી જાય જી ... અસલી જે સંત

અમરીયા બની જે નિતનિત ખેલે રે

મરવું તો આળપંપાળ જી

ત્રિવિધિનાં તાપમાં જગત બળે છે પણ

એને લાગે નહીં જરી જોને ઝાળ રે ... અસલી સંત.

જીવનમરણની ફેર્યું જેણે ટાળ્યું ને

લાભ ને હાનિ મટી જાય જી,

આશા ને તૃષ્ણા જેને એકે નહીં ઉરમાં

ભક્ત પરમ એ કહેવાય જી ... અસલી સંત

મનથી રે રાજી તમે એમ જ રહેજો

તો રીઝે સદા નકળંક રાયજી

ગંગાસતી એમ બોલિયા રે પાનબાઈ

અસલી રે સંત ઈ ગણાય જી ... અસલી જે સંત

Gujarati Santvani Lyrics Android App Download

Harijan avo hari gun gavay che હરીજન આવો હરિ ગુણ ગવાય છે,

Harijan avo hari gun gavay che

હરીજન આવો હરિ ગુણ ગવાય છે,

ભાવે ભજન કરો આયુષ્ય જાય છે (૨)

માતા-પિતા સુત બંધવ ધરા,અંત સમયે નથી કોઈના થનારા,

ચેતા સમજ મન (2) ક્યાં તું અથડાય છે...ભાવે ભજન કરો…

હરિ કથા કીર્તન સત્સંગ વિના, પાપના પોટલાં બાંધતાં નિશદિન,

પરનારી પરધન (2) દેખીને લોભાય છે...ભાવે ભજન કરો…

દાન -ધરમ ને દયા નથી દિલમાં, શ્રદ્ધા ના રાખે શાસ્ત્ર વચનમાં,

ષદરીપૂ ઓના (2) ફંદે મેં જો ફસાય છે...ભાવે ભજન કરો…

સુગરા હોય તે શબ્દને વખાણે, નુગરા નર તો માતામતી તાણે,

દાસ સત્તાર લેજો (૨)  શબ્દો લૂંટાય છે...ભાવે ભજન કરો…

Gujarati Santvani Lyrics Android App Download

Mukhdani maya lagi re, mohan pyara મુખડાની માયા લાગી રે, મોહન પ્યારા

Mukhdani maya lagi re, mohan pyara

મુખડાની માયા લાગી રે, મોહન પ્યારા

મુખડુ મે જોયું તારું સર્વે સુખ લાગ્યું ખારુ

મન મારું રહ્યું ન્યારું રે....મોહન પ્યારા....મુખડાની

સંસારીયાનુ સુખ એવું,ઝાંઝવાના નીર જેવું

તેને તુચ્છ કરી ફરીએ રે મોહન પ્યારા....મુખડાની

સંસારીયાનુ સુખ કાચુ, પરણીને રંડાવું પાછું

તેના ઘેર શીદ જઇએ રે મોહન પ્યારા....મુખડાની

પરણું તો હું પ્રીમત પ્યારો, અખંડ સૌભાગ્ય વાળો

રંડાવાનો ભય ભાગ્યો રે મોહન પ્યારા...મુખડાની

બાઇ મીરાં બલિહારિ આશા મને એક તારી

હું તો હવે બડભાગી રે મોહન પ્યાર ...મુખડાની

Gujarati Santvani Lyrics Android App Download

He ji rai karmno sangathi, Rana maru koi nathi હે જી રે કર્મનો સંગાથી, રાણા મારું કોઈ નથી

He ji rai  karmno sangathi, Rana maru koi nathi

હે જી રે કર્મનો સંગાથી, રાણા મારું કોઈ નથી.

હે જી રે કર્મનો સંગાથી, હરિ વિણ કોઈ નથી.

હો એક રે ગાયનાં દો-દો વાછરું,

લખ્યાં એનાં જુદાં જુદાં લેખ,

એક રે બન્યો શિવજીનો પોઠિયો,

બીજો ઘાંચીડાને ઘેર … હે જી રે કર્મનો સંગાથી.

હો એક રે માતાનાં દો-દો દીકરા,

લખ્યાં એનાં જુદાં જુદાં લેખ,

એકને માથે રે છત્તર બિરાજે,

બીજો ભારા વેચી ખાય … હે જી રે કર્મનો સંગાથી.

હો એક રે માટીનાં દો-દો મોરિયા,

લખ્યાં એનાં જુદાં જુદાં લેખ,

એક રે મોરિયો શિવજીની ગળતી,

બીજો મસાણે મૂકાય … હે જી રે કર્મનો સંગાથી.

હો એક રે પત્થરનાં દો-દો ટુકડા,

લખ્યાં એનાં જુદાં જુદાં લેખ,

એક રે બન્યો શિવજીની મૂર્તિ,

બીજો ગંગાજીને ઘાટ … હે જી રે કર્મનો સંગાથી

હો એક રે વેલાના દો દો તુંબડાં,

લખ્યાં એનાં જુદા જુદા લેખ,

એક રે તુંબડું સાધુના હાથમાં,

બીજું રાવળિયાને ઘેર … હે જી રે કર્મનો સંગાથી.

હો એક રે વાંસની દો દો વાંસળી,

લખ્યાં એનાં જુદા જુદા લેખ,

એક રે વાંસળી કાનકુંવરની,

બીજી વાગે વાદીડાને રે ઘેર … હે જી રે કર્મનો સંગાથી.

હો એક રે માતને દો દો બેટડા,

લખ્યાં એના જુદા જુદા લેખ,

એક રે બેટો ચોરાશી ધૂણી તપે,

બીજો લખચોરાશી માંહ્ય ….

હે જી રોહીદાસ ચરણે મીરાંબાઈ બોલીયા,

દેજો અમને સંત ચરણે વાસ … હે જી રે કર્મનો સંગાથી.

Gujarati Santvani Lyrics Android App Download